Ақтөбе облысында жол апатынан үш адам қаза тапты
Сотқа дейінгі тергеп-тексеру жүргізіліп жатыр
Фото: Halyq Uni
Ақтөбе облысында жол апатынан үш адам қаза тапты, деп хабарлады Halyq Uni тілшісі.
Полиция қызметкерлерінің мәліметінше, кеше сағат 05:45 шамасында Ақтөбе-Орынбор тасжолының 73-шақырымы, Мәртөк ауылының маңында Audi, Lexus және Subaru forester автокөліктері соқтығысқан.
Салдарынан Lexus және Subaru forester автокөлігінің жүргізушілері мен Subaru-да болған жолаушы оқиға орнында қаза тапты. Lexus жолаушысы Мәртөк ауданының ауруханасына жеткізілді, – делінген хабарламада.
ҚР ҚК-нің 345-бабы 4-бөлігімен сотқа дейінгі тергеп-тексеру жүргізіліп жатыр.
