Қазақстанда тұрмыстық зорлық-зомбылыққа қатысты жауапкершілік күшейтілді

Қазақстанда тұрмыстық зорлық-зомбылыққа қатысты жауапкершілік күшейтілді, деп хабарлады Halyq Uni тілшісі.

ІІМ баспасөз қызметінің мәлметінше, 1 шілдеден бастап полиция өтініш берушіден тұрмыстық құқықбұзушылықтарды тіркеудің анықтау сипатына көшкен. Жаңа түзетулер жәбірленушілердің өтінішінсіз әкімшілік құқықбұзушылық туралы іс қозғауға мүмкіндік береді. Тұрмыстық зорлық-зомбылық жасау фактісі бойынша хаттама жасау үшін қазір куәгерлердің, көршілердің айғақтары, бейнебақылау камералары мен бейнетіркегіштің жазбалары жеткілікті. Соңғы шешімді сот қабылдайды. Тараптарды қайта татуластыру мүмкіндігі алынып тасталады. Бұған дейін тұрмыстық зорлық-зомбылық туралы материалдардың жартысы татуласу үшін сотта тоқтатылған болатын. Бұл агрессордың немесе туыстарының сендіруі немесе қысымы салдарынан мүмкін болды.

Енді 1 шілдеден бастап сотта тек бір рет татуласуға болады. Бұл зардап шеккендерге психологиялық қысым жасауды тоқтатуға мүмкіндік береді.

Тұрмыстық зорлық-зомбылық үшін әкімшілік және қылмыстық жауапкершілік күшейтілді. Әкімшілік қамауға алудың нақты мерзімдері анықталды.

19 мамырдан бастап Қылмыстық кодекстің ауыр және ауырлығы орташа денсаулыққа зиян келтіруге байланысты жекелеген баптарына «кінәліге материалдық немесе өзге де тәуелділікте болған адамға қатысты іс-әрекет жасау» біліктілік белгісі енгізілді (ҚР ҚК-нің 106-шы, 107-бабы). Бұл қылмыскерді оқшаулау үшін қамауға алу санкциясын қолдануға, сондай-ақ жауапкершілікті арттыруға мүмкіндік береді.

Сондай-ақ тұрмыстық құқықбұзушылықтар үшін жауапкершілік күшейтілді. Нәтижесінде, соңғы 4 айда (шілде-қазан) жауапқа тартылғандардың саны артты. Егер биылдың екінші тоқсанында 7 мың адам жауапкершілікке тартылса, үшінші тоқсанда олардың саны 27 мың адам болды (қазан айында – 9,5 мың). Тиісінше, қамауға алынған агрессорлардың саны 2 есе өсті.

Биыл барлығы 60 мың (60741) құқық бұзушы әкімшілік жауапкершілікке тартылды. Оларға қатысты 75 мың қорғаныс ұйғарымы шығарылды. Соттар құқық бұзушылардың мінез-құлқына 12 мың ерекше талап қойды. Олардың тарапынан белгіленген шектеулерді 10 мың бұзушылықтың жолын кесті.

Жалпы, ұйымдастырушылық және құқықтық шаралардың нәтижесінде 10 айдың қорытындысы бойынша отбасылық-тұрмыстық қатынастар саласындағы құқықбұзушылықтар туралы хабарламаларды тіркеудің 20%-ға, оның ішінде қылмыстық құқықбұзушылықтарды 4,2%-ға, отбасылық-тұрмыстық қатынастар саласында жасалған ауыр қылмыстарды тіркеу 12%-ға төмендеді.