Басты бет Қоғам ІІМ кадрлық тағайындауды алғаш рет жаңа форматта өткізді

ІІМ кадрлық тағайындауды алғаш рет жаңа форматта өткізді

Динара Амантай

Арнайы жиында жаңа қызметтен үміттілердің біліктіліктері мен кәсіби шеберліктері талқыланды

Фото: Polisia.kz

Ішкі істер министрлігінде облыстық полиция департаменті басшыларының орынбасарлары мен аудандық полиция басшысы лауазымдарына үміткерлер қаралды. Бұл туралы Polisia.kz порталы хабарлады.

Арнайы жиында қатысушылар жаңа қызметке тағайындалатын азаматтардың қызмет жолындағы жетістіктері, олардың біліктілігі мен кәсіби шеберлігі талқыланды.

Ведомство басшысы үміткерлердің әрқайсысымен сөйлесе отырып, ІІМ-нің нақты талаптарын, қызметкерлердің негізгі міндеттерін еске салды. Сондай-ақ әріптестерінің антқа адал болып, нәтижелі жұмыс көрсететініне сенім білдірді.

Ішкі істер министрінің бұйрығымен:

  • Түркістан облысы Полиция департаменті бастығының орынбасары лауазымына Сапар Бауыржан;
  • Көліктегі полиция департаменті бастығының орынбасары лауазымына Ерлан Жалмағамбет;
  • Нұр-Сұлтан қаласы Полиция департаменті «Есіл» аудандық полиция басқармасының бастығы лауазымына Әлібек Қожахметов;
  • Нұр-Сұлтан қаласы Полиция департаменті «Байқоңыр» аудандық полиция басқармасының бастығы лауазымына Марат Абиров тағайындалды.

Айта кетсек, кадрлық тағайындаудың мұндай форматы Ішкі істер министрлігінде алғаш рет өткізіліп отыр.