26 қазанда сағат шамамен 11:30 кезінде БҚО-да белгісіз біреу 85 жастағы зейнеткердің үйінің есігін қағады. Есікті ашқан әжейге бас салып, бірнеше рет соққы жасайды.

Кейін үйге кіріп, үйден жәбірленушінің қызына тиесілі 720 мың рубль ақшасын жымқырып кеткен. Келтірілген залал – 3,5 млн теңге.

Қылмыс туралы ақпарат түсе салысымен оқиға орнына дереу полиция қызметкерлері жетіп, арнайы жедел-іздестіру іс-шараларын жүргізу барысында Орал қаласының 32 жастағы тұрғынын ұстаған.

Тексеру барысында оның алаяқтық, ұрлық, тонау қылмыстарына қатысының бары белгілі болды. Ұрланған ақша жартылай тәркіленді.

Ұсталған азамат Орал қаласы ПБ уақытша-ұстау изоляторына қамауға алынды. Аталған факті бойынша ҚР ҚК-нің 192-бабы 3-бөлігіне («Қарақшылық») сәйкес сотқа дейінгі тергеп-тексеру жұмыстары басталды.