Шымкентте сыйлық дүкенінде заңсыз діни мазмұндағы кітаптар сатқан әйел анықталды, деп хабарлады Halyq Uni тілшісі.

Экстремизмге қарсы іс-қимыл басқармасының қызметкерлері жедел іс-шаралар жүргізу барысында дәстүрлі емес діни ағымды ұстанатын 27 жастағы жергілікті тұрғынды ұстады. Келіншек қаладағы сыйлық дүкендерінің бірінде діни мазмұндағы әдеби кітаптарды сатумен айналысқан.

Полицейлер заң бұзушыға қатысты ҚР ӘҚБтК-нің 490-бабы 1-бөлігі («ҚР-ның діни қызмет және діни бірлестіктер туралы заңнамасын бұзу») бойынша әкімшілік хаттама толтырды. Саудаға шығарылған кітаптар тәркіленді, – делінген хабарламада.

Сот шешімімен сатушыға 120 мың теңге көлемінде айыппұл салынды.