Абай облысында төрт бала өрт салдарынан қайтыс болды. Қазір өрттің шығу себебі анықталып жатыр, деп хабарлайды Halyq Uni.

Облыс әкімдігінің баспасөз қызметінің хабарлауынша, 25 қазанда сағат 10:49-да төтенше жағдайлар қызметіне Аягөз қаласындағы жеке үйлердің бірінде түтін шыққаны туралы хабар түскен.

6 адамнан тұратын құтқарушылар бригадасы дереу сол жерге барған.

Өрт сөндірушілер оқиға орнына келгеннен кейін бөлмелердің бірінде 20 шаршы метр жерде жиһаздар мен жеке заттары жанғаны анықталды. Өрт сағат 11:10-да оқшауланып, 11:24-ге толық сөндірілді. Өрттің себебі анықталып жатыр. Оқиға орнында төрт баланың мәйіті табылды, - деп хабарлады облыс әкімдігі.

Өлімнің себебі анықталып жатыр. Тиісті сараптама тағайындалып, полиция тергеу жүргізіп жатыр.