Жетісу облысында зейнеткер ер адам ұлын өлтірді деген күдікпен ұсталды, деп хабарлады Halyq Uni тілшісі.

Полиция қызметкерлерінің мәліметінше, аталған дерек Кербұлақ ауданында тіркелген. 28 қыркүйекте алыстағы шаруа қожалығының аумағында зорлық-зомбылықтың айқын белгілері бар жас жігіттің мәйіті табылды. Полицейлер оны өлтірді деген күдікпен 63 жастағы ер адамды ұстады.

Ұсталған азамат – жәбірленушінің туған әкесі. Алдын ала мәлімет бойынша, дастархан үстінде алкогольдік ішімдік ішудің аяғы жанжалға ұласып, соңы қайғылы оқиғамен аяқталған, – делінген Кербұлақ аудандық полициясының хабарламасында.

Күдікті уақытша ұстау изоляторына қамалды. Қажетті сараптамалар тағайындалып, ҚР ҚК-нің 99-бабы («Адам өлтіру») бойынша тергеу амалдары жүргізіліп жатыр.