Абай облысында скутер тізгіндеген жасөспірім жүк көлігіне соғылды, деп хабарлады Halyq Uni тілшісі.

Полиция қызметкерлерінің мәліметінше, 30 тамызда Омбы – Майқапшағай тас жолының 904-шақырымында, Жарма ауданында жол-көлік оқиғасы болған. 14 жастағы бала жол ережесін сақтамай, қарсы жолаққа шығып, салдарынан Ѕкаnіа жүк көлігімен соқтығысқан. Бірнеше дене жарақатын алған жасөспірім аудандық ауруханаға жеткізілді.

Жол апатының басты себебі – жасөспірімнің жол қозғалысының қарапайым ережелерін білмеуі, тәртіпсіздік, немқұрайдылық, сондай-ақ ата-аналар тарапынан қадағалауының жеткіліксіздігі.

Абай облысының полицейлері екі дөңгелекті автокөлік иелері арасында жол қозғалысы мен жеке қауіпсіздік ережелерін қатаң сақтау қажеттілігі туралы мақсатты ақпараттық-түсіндіру жұмыстарын ұйымдастырды.