Әлеуметтік желіде Ақтаудың 16-шағын ауданында атыс болғаны туралы мәлімет тарады. Осы оқиғаға қатысты жергілікті полицейлер түсінік берді.

Видеодан оқиғаның нақты қай жерде болғанын аңғару қиын. Сонымен қатар төбелес қатысушыларында қарудың болған-болмағаны да белгісіз.

Желі қолданушылары бұл оқиға лото клубтың маңында болғанын айтады. Ал полиция департаментінің мәліметінше, онда жедел-тергеу тобы жіберілген. Кейін полиция басқармасына 13 адам жеткізіліпті.

Қазір тергеу жалғасып жатыр. Ал облыстық ауруханаға шағымданғандар болмаған. Аталған іс ҚР ҚК-нің «Бұзақылық» бабы бойынша тіркелді.