5 мамыр сағат 11:30 шамасында Қостанай ауданының аумағындағы орман алқабында Қостанай қаласы прокуратурасы қоғамдық мүдделерді қорғау бөлімінің аға прокуроры Д.Г. Бисахаловтың ағашқа асылған күйдегі мәйіті табылды.

1994 жылғы 8 тамызда туған Д.Бисахаловтың өзіне-өзі қол жұмсау фактісі сотқа дейінгі тергеп-тексерудің бірыңғай тізіліміне тіркелді және мүдделілікті болдырмау мақсатында сотқа дейінгі тергеп-тексеруді жүргізу Қостанай ауданының полиция бөліміне тапсырылды.

Қазір оқиғаның себебі анықталып жатыр. Марқұм еңбек жолын Денисов аудандық прокуратурасының прокуроры қызметінен бастаған.

Соңғы атқарған лауазымы – Қостанай қаласы прокуратурасы Қоғамдық мүдделерді қорғау бөлімінің аға прокуроры. Прокуратура органдарындағы жұмыс өтілі 4 жыл.