×

Кімдер зейнетке ерте шығады – Асқар Мамин депутаттық сауалға жауап берді

Төтенше жағдайлар министрлігі заң жобасын әзірлеп жатыр

 Ербол Тұрымбет 13.12.2021 | 09:46
көрнекі фото: exclusive.kz

Қазақстанда құтқарушылар зейнеткерлікке мерзімінен бұрын шығуы мүмкін. Бұл туралы премьер-министр Асқар Маминнің депутаттық сауалға берген жауабында айтылған.

Төтенше жағдайлар министрлігі «Қазақстан Республикасының кейбір заңнамалық актілеріне азаматтық қорғау мәселелері бойынша өзгерістер мен толықтырулар енгізу туралы» заң жобасын әзірлеп жатыр.

Жалпы, азаматтық қорғаныс органдарының қызметкерлері мен құтқарушыларын әлеуметтік қамсыздандыру шараларын жақсарту мәселесі елдегі әлеуметтік-экономикалық жағдай мен бюджеттің мүмкіндіктеріне қарай қаралады және уәкілетті орган мен Үкіметтің тұрақты бақылауында, - деп түйіндеді Асқар Мамин.

Үкімет басшысы атап өткен заң жобасы аясында мына мәселелер пысықталуда:

  • азаматтық қорғау органдарының қызметкерлеріне тұрғын үй төлемін, сондай-ақ әскери іс-қимылдарға жақын жағдайларда жұмыс істегені үшін үстемеақы төлеу;
  • құтқарушыларды азаматтық қорғау органдарының арнаулы атақтар берілген қызметкерлері санатына ауыстыру арқылы олардың зейнет жасын төмендету;
  • азаматтық қорғау органдарының қызметкерлеріне қызмет бабына байланысты басқа елді мекенге қоныс аударған жағдайда көтерме жәрдемақы төлеу, өз мүлкін тасымалдау шығынын өтеу.

Серіктес жаңалықтары

Сараптама