Экс-министр 40 жастан асқан соң спортпен шұғылдану неге маңызды екенін түсіндірді

Президент іс басқармасы медициналық орталығынының басшысы Алексей Цой кезекті кеңесімен бөлісіп, 40 жастан асқан соң неге спортпен шұғылдану маңызды екенін айтты.

• Бұлшық еттің солу қарқыны жетілу қарқынынан жылдамырақ келеді;
• Адам 40 жастан асқанда жыл сайын бұлшықет массасының 2-3% жоғалтады;
• 60 жастан кейін жыл сайын бұлшықет массасы 5%-ға дейін азаяды;
• Бұлшықет массасы азайған сайын, сіңірлердің сүйектерді бұрынғы қалпында ұстап тұруы төмендейді;
• Сіңір функционалдығының төмендеуі жарақат алу қаупін арттырады.

Айта кетейік, Алексей Цой 2020-2021 жылдары Денсаулық сақтау министрі қызметін атқарды.

Алексей Цой 1977 жылы 2 сәуірде Оңтүстік Қазақстан облысында дүниеге келген. Sells College (Лондон), Қазақстан мемлекеттік медицина академиясының аспирантурасын, Оңтүстік Қазақстан мемлекеттік медицина академиясын, «Дәнекер» халықаралық құқық және халықаралық бизнес институтын, РФ президенті жанындағы Ресей халық шаруашылығы және мемлекеттік қызмет академиясының корпоративтік басқару жоғары мектебін тәмамдаған.

Стэнфорд университетінде (АҚШ), Сингапурда, Мәскеуде, Германияда, Ұлыбританияда және тағы да басқа елдерде тағылымдамадан өткен. Іскерлік әкімшілік докторы, медицина ғылымдарының кандидаты.

Хирург-эндоскопист болып жұмыс істеген, Қалпына келтіру хирургиясы және трансплантология орталығының аға ғылыми қызметкері, Ұлттық ғылыми медицина орталығының ішкі медицина орталығының жетекші ғылыми қызметкері, «Еуроазиаттық респираторлық қоғам» қоғамдық бірлестігінің бас хатшысы, ҚР Президенті Іс басқармасының заманауи медициналық технологияларды енгізу орталығының директоры, ҚР Президенті Іс басқармасының медициналық орталығының басшысы, Астана қаласының №1 қалалық ауруханасының бас дәрігері, ҚР денсаулық сақтау және әлеуметтік даму вице-министрі, ҚР денсаулық сақтау вице-министрі қызметтерін атқарған.