«Sincere Systems» қаржы пирамидасына қатысты тергеу басталды
Ақтөбе облысында екі адам азаматтарды компанияға тіркелуге шақырған
Фото: Halyq Uni
Қаржы мониторингі агенттігінің Ақтөбе облысы бойынша департаменті «Sincere Systems» (S-Group) қаржы пирамидасын құру және басқару ісін тергеп жатыр.
Іс бойынша азаматтарды компанияға тіркелуге шақырған екі азаматқа қатысты тергеу жүріп жатыр.
Ұйымдастырушылардың тұрғылықты жерінде тінту жүргізіліп, кеңсе техникасы (ноутбуктар, ұялы телефондар, процессорлар), компанияның заңсыз қызметіне қатысты құжаттар, келісімшарттар, жарнамалық құралдар, презентациялар тәркіленді, - делінген ақпаратта.
Тергеу амалдары жүргізіліп жатыр.
