Астанада сотталған азаматтан 1 млрд теңге мемлекетке қайтарылды
Сотталған адамға 5 жер учаскесі тиесілі болған
Фото: ашық дереккөз
Астана қаласының прокуратурасы мемлекетке 1 миллиардтан астам теңге қайтарды, деп хабарлайды Halyq Uni.
Ресми ақпарат бойынша, елорда прокуратурасы мемлекет пайдасына шығарылған сот актілерінің орындалуына талдау жасаған.
Прокурорлық қадағалау актісін енгізу нәтижесінде сотталғанға тиесілі жалпы бағасы 1 млрд 62 млн теңгені құрайтын 5 жер учаскесін өндіру арқылы келтірілген шығын мемлекет пайдасына өтелді.
Осылайша, прокуратураның қабылдаған шаралары арқылы қылмыс жолымен табылған сотталғанның мүлкін мемлекет пайдасына өндіру арқылы сот үкімі орындалды.
