Қала аумағында жалпы 32 субұрқақ бар...
Шымкентте Н.Назарбаев даңғылында орналасқан субұрқаққа шомылған 10 жастағы бала мерт болды.
Қайғылы оқиға кеше кешкісін болған. Бұл туралы хабарлама қалалық ТЖД дағдарыс жағдайларды басқару басқармасына сағат 19:30 шамасында түскен.
Бала ата-анасының қадағалауынсыз жүрген. Қазір полиция департаменті сот-медициналық сараптама тағайындады, - делінген Шымкент қаласының ТЖД таратқан ақпаратта.
Жалпы, Шымкент қаласы аумағында суда жаппай демалу, туризм және спортпен шұғылдану үшін 5 ресми орын белгіленген. Оның ішінде үшеуіне шомылуға рұқсат етілген. Ал қала аумағында жалпы 32 субұрқақ бар. Оның 25-і жұмыс істеп тұр.