Соңғы үш жылда қазақстандықтар алаяқтарға 17 млрд теңгеден аса ақшаны жем қылған, деп хабарлады Halyq Uni тілшісі.

Сыбайлас жемқорлыққа қарсы қызметтің мәліметінше, Қазақстанда түрлі мәселелерді шешкені үшін лауазымды тұлғаларға пара беруге итермелеу жағдайлары және алаяқтық жиілеп кеткен. Соңғы үш жылда ведомствоның өндірісінде алаяқтық фактілері бойынша 600-ден аса қылмыстық іс болған. Осыған қатысты 313 адам сотталды.

Қазір өндірісте алаяқтарға, делдалдарға және пара бергісі келген адамдарға қатысты бірқатар қылмыстық іс бар. Алаяқтарға берілген қаражаттың жалпы сомасы 17 млрд теңгеден асады.