Маңғыстау облысы бойынша қылмыстық-атқару жүйесі департаментінің тергеу изоляторына тыйым салынған заттарды өткізу фактісі анықталды, деп хабарлады Halyq Uni тілшісі.

Жедел ақпаратты тексеру барысында Маңғыстау облысы бойынша ҚАЖД-ға қарасты №77 мекеменің жедел уәкілдері сотталғандардың біріне арналған «сәлемдеменің» ішінен спорттық аяқ киімнің екі сыңарының табанына жасырылған есірткі тауып, тәркіледі.

Сот-химиялық сараптаманың қорытындысы бойынша есірткі заты салмағы 29 грамнан астам марихуана екендігі анықталды.

Аталған дерек ҚР ҚК-нің 296-бабы 2-бөлігіне сәйкес қылмыстық іс қозғалды. Тергеу амалдары жүргізіліп жатыр.