Павлодар облысында септиктен 4 жасар баланың мәйіті табылды
Сотқа дейінгі тергеп-тексеру басталды
Фото: polisia.kz
Павлодар облысында септиктен 4 жасар баланың мәйіті табылды, деп хабарлады Halyq Uni тілшісі.
Полиция қызметкерлерінің мәліметінше, кеше Мойылды кентінде септиктен 2019 жылы туған баланың мәйіті табылған. Анықталғандай, бала ата-анасының назарынан тыс қалып, көрші үйлердің бірінің ауласында орналасқан ағашпен жабылған септикке құлаған.
Осы факті бойынша ҚР ҚК-нің 140-бабы бойынша сотқа дейінгі тергеп-тексеру басталды. Сараптама тағайындалды.
Еске сала кетсек, бұған дейін Павлодар облысында 8 жасар бала 3 метрлік шұңқырға құлап кеткенін хабарлаған болатынбыз.
