×

Атырауда өрттен 7 адам құтқарылды (ВИДЕО)

Өртті сөндіруге ТЖД-ның 12 қызметкері мен 3 техника жұмылдырылды

 Динара Амантай 31.05.2023 | 09:26
Фото: Аттыра обл. ТЖД баспасөз қызметі

Атырауда тұрғын үйлердің бірінен өрт шығып, 7 адам құтқарылды, деп хабарлады Halyq Uni тілшісі.

Атырау ТЖД баспасөз қызметінің мәліметінше, кеше сағат 10:35-те Сырым Датов көшесінде орналасқан 6 қабатты үйлердің бірінің балконынан түтін шыққаны туралы шақырту түскен. Шақырту орнына жеткен өрт сөндірушілер 5-қабаттағы пәтерде тұрмыстық заттардың жануын анықтады.

Департамент қызметкерлерінің күшімен 7 адам, оның ішінде 5 бала автосаты арқылы 5 және 6-қабаттан құтқарылды және дәліз баспалдағы арқылы құтқару қалпақтарын пайдалана отырып, 44 адам, оның ішінде 15 баланы эвакуациялады.

Өрт салдарынан 30 шаршы метр алаңда тұрмыстық заттар жанды.

Өрт сөндірушілердің жедел іс-әрекетінің нәтижесінде 30 минут ішінде адамдар құтқарылып, өрт жойылып, өрттің басқа пәтерлерге таралуына жол берілмеді.

Өрттің шығу себептері анықталып жатыр, зардап шеккендер жоқ. Өртті сөндіруге Атырау облысы ТЖД-ның 12 қызметкері мен 3 техникасы жұмылдырылды.

Серіктес жаңалықтары

Сараптама