Мемлекетаралық іздеуде жүрген бұзақы Павлодар облысында ұсталды
Ол қамауға алынды
![](https://halyq-uni.kz/cache/imagine/1200/uploads/news/2022/04/20/625fbfbe33394981558275.jpg)
Павлодар облысының тәртіп сақшылары жедел-іздестіру іс-шаралары барысында Тараздың 22 жастағы тұрғынын құрықтады. Жас жігіт қылмыстық кодекстің 293-бабында көзделген бұзақылық қылмысы үшін мемлекетаралық іздеуде болған.
Оның 2021 жылғы 3 қазанда Тараздағы кафелердің бірінде бұзақылық әрекеттер жасағаны анықталды. Ол біраз уақыт Павлодар қаласында тұрған. Қазір ұсталған азамат Павлодардың уақытша ұстау изоляторына қамалды. Іздеу бастамашысына хабарланды, - деді Павлодар облысының полиция департаменті.
Айта кетейік, жылдың басынан бері Ертіс өңірінің жедел уәкілдері 22 қылмыскерді құрықтаған.