Бұрынғы әйелін көшеде ұрып кеткен елорда тұрғыны қамауға алынды
Жуырда бұл шабуылдың видеосы желіде тараған болатын
фото: видеодан скриншот
Астанада бұрынғы әйелін ұрған ер адам құрықталып, уақытша ұстау камерасына қамалды. Тәртіп бұзушы 15 тәулікке қамауға алынды.
25 жастағы ер адамға қатысты ҚР ӘҚБтК 73-1-бабы бойынша денсаулыққа қасақана жеңіл зиян келтіргені үшін әкімшілік хаттама толтырылды, – дейді Нұр-Сұлтан қаласының полиция департаменті.
Мамандандырылған ауданаралық әкімшілік сот қаулысымен кінәлі адам 15 тәулікке қамалып, әкімшілік қамауға алынған тұлғаларға арналған қабылдау орнына орналастырылды.
