Мәселен, қазір Ойыл өзені тасып жатыр, Миялы ауылын су басуы мүмкін
Бүгін сенатта су тасқыны кезеңі бойынша отырыс өтті. Төтенше жағдайлар министрі Юрий Ильин сенаттағы отырыста елдегі төтенше жағдайды жоюдың қалыптасқан жағдайы мен қабылданып жатқан шаралары туралы сөз сөйледі.
Қазір елімізде 1 010 су тасқыны қаупі бар елді мекен бар. Өзен арналарын, каналдар және арықтарды тазарту, қорғаныс бөгендері әрі гидротехникалық құрылыстарды салу мен жөндеу, жергілікті құлақтандыру жүйелерін орнату бойынша жүргізілген іс-шаралар су басу қаупін кезең-кезеңімен азайтуға мүмкіндік берді. Мәселен, 180 мыңнан астам халқы бар 340 елді мекенде қауіп-қатер жойылды және 231 мыңнан астам халқы бар 385 елді мекенде қауіп-қатер барынша азайтылды. Су басудың ықтимал қаупі 285 елді мекен үшін сақталып отыр, оның ішінде 132-сі бұрын картамен қарастырылмаған, – дейді ТЖМ.
Су тасқыны кезеңі басталғаннан бері республика бойынша 11 елді мекендегі 192 тұрғын әрі 78 саяжай үйі, 3 әлеуметтік нысан еріген қар суының астында қалды. Суды бұру жұмыстары толығымен аяқталды. Ауқымды су тасқынына қарамастан, халықты жою мен хабардар ету уақтылы жүргізілді. Адам шығынына жол берілген жоқ. Барлығы 1 595 адам эвакуацияланды, оның ішінде 15–і уақытша эвакуациялау пунктеріне орналасты, 1 580-і үйлеріне оралды. Облыстық және жергілікті маңызы бар жолдардың 20 учаскесінде су тасқыны жалғасуда, 6 учаске әрі жергілікті маңызы бар 3 көпірді су шайды. 2 мың текше метрден астам еріген қар суы сорылды.
«Жоюға барлығы 2 285 адам, 778 техника, 350 су сорғыш құрал, 18 жүзу құралы жұмылдырылды. Оның ішінде ТЖМ жеке құрамынан 775 адам, 188 техника, 111 су сору құралы, 13 жүзу құралы бар. Ақтөбе қаласында, сондай-ақ Батыс Қазақстан облысының Бөрілі, Жәнібек, Қаратөбе, Шыңғырлау аудандарында жергілікті ауқымдағы 5 төтенше жағдай жарияланды. Қазір Батыс Қазақстан облысындағы жағдай РФ Орынбор облысы Ташлин ауданы Пустобаево кентіндегі су қоймасындағы бөгетті шайып кету салдарынан бақылауда тұр», – делінген ақпаратта.
Сөз соңында министр су тасқыны кезеңі жалғасып жатқанын және министрлік адам өліміне жол бермеу әрі залалды азайту бойынша барлық қажетті шараны қабылдап жатқанын атап өтті.