×

Ақтөбе облысында жасөспірімдер өз құрдастарын себепсіз тепкілеген (ВИДЕО)

Оқиғаға қатысушылар полиция бөліміне жеткізілді

 Еркеғали Болатұлы 30.04.2023 | 09:31
фото: ашық дереккөз

Ақтөбе облысында құрдастарын себепсіз ұрып-соққан бір топ бала анықталды.

ІІМ мәліметінше, 28 сәуірде әлеуметтік желілерге мониторинг жүргізу барысында бір топ жастың өз құрдастарын ұрып-соғып жатқаны туралы бейне анықталған.

Полиция қызметкерлері осы ақпаратты тексеру барысында Алға қаласында Niva автокөлігімен жүріп келе жатқан бірнеше кәмелетке толмағандардың өз құрдастарын көшеде кездестіріп, оларды себепсіз ұрып-соққанын анықтады, - деп хабарлады ведомство өкілдері.

Оқиғаға қатысушылар полиция бөліміне жеткізілді. Онда олармен және ата-аналармен профилактикалық әңгіме жүргізілді.

Ұсталғандарға қатысты ҚР ҚК-нің 293-бабы 2-бөлігі («Бұзақылық») бойынша сотқа дейінгі тергеу басталды. Ұсталғандардың бірінің ата-анасына тиесілі көлік арнайы тұраққа қойылды.

Серіктес жаңалықтары

Сараптама