Биыл елімізде әскери парад өтпейді
Отан қорғаушылар күні мен Жеңіс күнінде парад өтпейтін болды
фото: Halyq Uni
Қорғаныс министрлігі Отан қорғаушылар күні және Ұлы Отан соғысындағы Жеңіс күнін мерекелеу туралы хабарлама жариялады.
2022 жылы Қазақстан Қарулы күштерінің құрылғанына 30 жыл толуына әрі 1941-1945 жылдардағы Ұлы Отан соғысындағы Жеңіс күніне арналған әскери парадты өткізу жоспарда жоқ, – деді ведомство.
Сонымен қатар әскери-патриоттық іс-шаралар жоспарланған. Олардың қатарында Ұлы Отан соғысы мен Қазақстан Қарулы күштерінің ардагерлерін құрметтеу шаралары да бар.
Қорғаныс министрлігі еліміздің барлық өңірінде 50-ге жуық түрлі шара өткізуді көздеп отыр.
