Қазақстанда өмір бойына сотталғандар мен ату жазасына кесілгендер (Қазақстан өлім жазасынан бас тартқан) жазасын өтейтін «Қара бүркіт» колониясында 20 жылдан 14 адам қайтыс болған, деп хабарлайды Halyq Uni.

Бұл туралы ІІМ қылмыстық-атқару жүйесі комитеті редакциясына ресми сауалына берген жауабында мәлімдеді.

Оның ішінде:

• 2005 жылы – 2 сотталған қайтыс болған;
• 2009 жылы – 1 сотталған;
• 2010 жылы – 2 сотталған;
• 2011 жылы – 1 сотталған;
• 2013 жылы – 1 сотталған;
• 2016 жылы – 1 сотталған;
• 2017 жылы – 1 сотталған;
• 2018 жылы – 1 сотталған;
• 2020 жылы – 2 сотталған .

Айта кетейік, қазір «Қара бүркітте» 180 сотталған жазасын өтеп жатыр.

2004-2023 жылдар аралығында мекемеге 183 сотталған түскен.

Комитет қазірге дейін қанша адамның колониядан шыққаны туралы ақпаратты нақтылады. Ресми ақпарат бойынша, түрлі себеппен 5 адам «Қара бүркіттен» шыққан.

Өмір бойына бас бостандығынан айыру жазасына кесілгендердің ішінде сотталғандар босатылмады. Әртүрлі себеппен өмір бойына бас бостандығынан айыруға сотталған 5 адам (шығарылды). 2011 жылы сотталушы Матюков жазаны өзгертуге ауыстырылды, 2014 жылы сотталған Мовлаев Ресей Федерациясына ауыстырылды, 2015 жылы сотталған Судаков Ресей Федерациясына ауыстырылды, 2018 жылы сотталған Стрелавин Ресей Федерациясына ауыстырылды, 2021 жылы  сотталған  Дүйсенғалиев үкімді өзгерту бойынша Ақтөбе қаласына кетті, - делінген ресми жауапта.

Оның ішінде Досым Дүйсенғалиевті 2020 жылдың желтоқсанында Ақтөбе қылмыстық істер жөніндегі мамандандырылған ауданаралық сотының судьясы Алтынбек Сабыров тонау, зорлау және сексуалдық сипаттағы зорлық-зомбылық әрекеттері үшін кінәлі деп таныды. Сот оны өмір бойына бас бостандығынан айырды.

Алайда 2021 жылдың қазанында Жоғарғы сот үкімнің күшін жойып, бұл істі Ақтөбе облыстық сотына қайта қарауға жіберді.

Бұған дейін «Арқанкерген» шекара бекетіндегі қайғылы оқиғадан кейін өмір бойына сотталған Владислав Челахтың түрмеде екі рет тәртіп бұзғаны хабарланды.

Сондай-ақ алматылық адамжегіштер Евгений Турочкин мен Михаил Вершининнің тәртібі белгілі болды. Сотталған Евгений Турочкин жазасын өтеудің белгіленген тәртібін бұзған. Ол тәртібін екі рет бұзғаны үшін тәртіптік жазаға тартылды.

Алматыда 2021 жылы бес адамды атып өлтірген Игорь Дужнов та жазасын «Қара бүркіт» колониясында өтеп жатыр.