Ұсталған адам қасқырдың малына шабуыл жасамақ болғанын айтқан
Ақтөбе облысының полицейлері әлеуметтік желілерді талдау барысында бейнежазбадан қасқырды шынжырмен ұрып-соққан ер адамды анықтады, деп хабарлады Halyq Uni тілшісі.
Ырғыз ауданы ПБ-нің қызметкерлері ауданның 37 жастағы тұрғынын анықтады. Ұсталған адам қасқырдың малына шабуыл жасамақ болғанын, сондықтан оны мотоциклімен қуып жетіп, шынжырмен өлтіргенін түсіндірді.
Ауыл тұрғынына қатысты ҚР ҚК-нің 316-бабы 3-бөлігіне («Жануарларға қатыгездікпен қарау») бойынша сотқа дейінгі тергеу басталды.