Семейде кәмелетке толмаған баланың интернатта қайтыс болу фактісі бойынша сотқа дейінгі тергеп-тексеру басталды, деп хабарлады Polisia.kz.

7 сәуірде мектеп-интернатта 15 жастағы жасөспірім тамақтану кезінде қайтыс болды. Ол жедел жәрдем бригадасы келгенге дейін бала қайтыс болған.

Осы факті бойынша Әуезов полиция бөлімі сотқа дейінгі тергеп-тексеруді бастады, оның шеңберінде тиісті сот сараптамалары тағайындалды. Істің мән-жайларын зерттеудің жан-жақтылығын, толықтығын және объективтілігін қамтамасыз етуге бағытталған қажетті тергеу әрекеттері жүргізіліп жатыр, - деп хабарлады полиция.

Қылмыстық-процестік кодекстің 201-бабының 1-бөлігіне сәйкес сотқа дейінгі тергеп-тексерудің деректері жария етілмейді.

Айта кетейік, бұған дейін оқушының өліміне қатысты Абай облыстық білім басқармасы түсініктеме берді.

Басқарма таратқан мәліметке жүгінсек, медициналық сараптаманың қорытындысы бойынша оқушы тамақтың ірі кесектеріне шашалып, тыныс алу жолының жабылуына байланысты механикалық асфиксиядан көз жұмған.