×

Маңғыстау тұрғынынан 50 келіге жуық бекіре балығы тәркіленді

Аталған дерек бойынша қылмыстық іс қозғалды

 Динара Амантай 05.04.2023 | 10:57
Фото: polisia.kz

Маңғыстау облысының тұрғынынан 50 келіге жуық бекіре балығы тәркіленді, деп хабарлады Halyq Uni тілшісі.

Полиция қызметкерлерінің мәліметінше, 2 сәуірде Форт-Шевченко қаласының жергілікті тұрғынының үйінен жалпы салмағы 49 келіден асатын 5 дана бекіре балығы тәркіленген. Ұсталған 60 жастағы ер адамға қатысты ҚР ҚК-нің 339-бабы бойынша қылмыстық іс қозғалды.

Тергеу амалдары жалғасып жатыр.

Еске сала кетсек, бұған дейін Атырау облысында заңсыз ауланған 417 келі бекіре тұқымдас балық тәркіленгенін хабарлаған болатынбыз.

Серіктес жаңалықтары

Сараптама