Жетісу облысында 2 көліктің соқтығысуы салдарынан 6 адам зардап шекті
Олардың бірі – кәмелетке толмаған бала
фото: Telegram/POLISIA.KZ
Жол апаты Жетісу облысының Көксу ауданы маңында тіркелді. Алматы - Өскемен тасжолының 203-шақырымында Toyota Gracia автокөлігі мен Mercedes-Benz эвакуаторы соқтығысқан.
Оқиға орнынан аудандық ауруханаға 6 адам медициналық тексеруге жеткізілді. Олардың бірі – кәмелетке толмаған бала, - делінген полиция хабарламасында.
Жол апатына жүргізушілердің қайсысы себеп болғаны тергеу барысында анықталады. Қазір оқиға орнында патрульдік полиция мен анықтаушылар жұмыс істеп жатыр.
