Шымкент қаласы әуежайының жұмысын тексеру үшін үкіметтік комиссия құрылды. Комиссия 14 наурызда премьер-министр Әлихан Смайыловтың өкімі бойынша жұмыс істеп, Шымкент қаласының әуежайын тексеретін болады.

Шымкент қаласы әуежайының жұмыс істеуі мәселелері жөнінде үкіметтік комиссия құрылсын. Комиссия жұмысқа дереу кіріссін, проблемаларды шешу бойынша нақты шаралар қабылдауды қамтамасыз етсін, – делінген Үкімет басшысының өкімінде.

Үкіметтік комиссия құрамына премьер-министрдің бірінші орынбасары төрағалық етеді. Оның құрамына Индустрия және инфрақұрылымдық даму министрі, төрағаның орынбасары, Шымкент қаласының әкімі, Үкімет аппараты басшысының бірінші орынбасары, Төтенше жағдайлар вице-министрі, Ауыл шаруашылығы вице-министрі, Ішкі істер министрінің орынбасары, Қорғаныс министрінің орынбасары, Экология, геология және табиғи ресурстар вице-министрі, Ұлттық экономика вице-министрі, Қаржы вице-министрі, Әділет вице-министрі, Ұлттық қауіпсіздік комитеті төрағасының орынбасары (келісім бойынша), Бас прокурордың орынбасары (келісім бойынша), Сыбайлас жемқорлыққа қарсы іс-қимыл агенттігі төрағасының орынбасары (келісім бойынша) мен Үкімет аппаратының нақты секторды және өңірлерді дамыту бөлімінің өңірлік инспекторы кіріп отыр.