×

Астанада күйеуін өлтірген 34 жастағы мектеп директоры ауруханаға түсті

Екеуі бірін-бірі пышақтаған

 Еркеғали Болатұлы 02.03.2023 | 11:35
фото: ашық дереккөз

Астанада 34 жастағы әйел күйеуін өлтіріп тастады. Ол – елорда мектептерінің бірінің мұғалімі әрі директоры.

26 ақпанда «102» нөміріне тұрғын үйдің пәтерінен ер адамның мәйіті табылғаны, оның әйелінің пышақ жарақатымен ауруханаға жеткізілгені туралы хабарлама келіп түскен.

Бұл фактіге байланысты сотқа дейінгі тергеу амалдары басталды. Қажетті сараптамалар жүргізіледі. Қылмыстық-процестік кодекстің 201-бабына сәйкес, сотқа дейінгі тергеп-тексерудің өзге де мәліметі жария етілмейді, - деді полиция департаментінің баспасөз қызметі.

Директордың әріптестері әйелдің жақында бір айлық демалысқа өтініш бергенін, арада 6 күн өткенде қайғылы жағдай болғанын айтады. 10 жылдан астам тәжірибесі бар, кейін директор болған биология пәнінің мұғалімі жақсы, жауапкершілігі мол маман дейді әріптестері.

Айта кетсек, 26 ақпанда түс кезінде ерлі-зайыптының пәтерінде отбасылық жанжал шыққан. Құқық қорғау органдарының мәліметінше, күйеуі алдымен әйелінің мойнын пышақпен тіліп, кейін кеуде тұсынан жаралаған. Әйел де өзін қорғау үшін күйеуіне пышақ сұққан.

Қазір мектеп директоры көптеген жарақатпен хирургия бөлімінде жатыр. Астана қалалық денсаулық сақтау басқармасы пациенттің қазіргі жағдайы туралы мәлімет берді.

26 ақпанда жедел жәрдем бригадасы пациентті №2 қалалық көпбейінді ауруханаға жеткізді. Жағдайының ауырлығын ескере отырып, пациент шұғыл түрде емдеу үшін кеуде хирургиясы бөліміне жатқызылды. Сол күні оған операция жасалды. Қазір науқастың жағдайы қанағаттанарлық, - делінген ресми хабарламада.

Сондай-ақ қалалық білім басқармасының баспасөз қызметі науқастың мектеп директоры екенін растады.

«Иә, әйелдің мектеп директоры екенін растаймыз. Ол 20 ақпаннан бастап еңбек демалысында болған», - деп мәлімдеді басқарманың баспасөз қызметі.

Серіктес жаңалықтары

Сараптама

24 жастағы қазақстандықтың Таиландта комада жатқаны белгілі болды

Жігіттің ата-анасы Пхукетке ұшып барған
04.06.2023 | 12:29

Алматыда қала құрылысын бақылау басқармасы қызметкерлерінің ұсталғанын жоққа шығарды

Басқарма жалған ақпарат таратқаны үшін қолданыстағы заңнамаға сәйкес жауапкершілік қарастырылғанын еске салды
04.06.2023 | 12:17

Қарағандыда жас жігіт 3 адамды пышақтап тастады (ВИДЕО)

Оқиға орынынан ауруханаға 34 және 35 жастағы екі адам жеткізілді
04.06.2023 | 12:12

Байзақтағы жарылыста бірінші болып мерт болған Жанболатовтың анасы жалғыз қалды

70 жастағы зейнеткер марқұм ұлы қызмет еткен мекеме кейінгі уақтты жағдайын білуді қойғанын айтады
04.06.2023 | 11:20