2023 жылға қарай Қазақстандағы педагогтердің, медициналық және әлеуметтік қызметкерлердің жалақысы екі есе өседі. Бұл туралы Еңбек және халықты әлеуметтік қорғау вице-министрі Ержан Біржанов мәлімдеді.

Президент тапсырмасы бойынша 2020 жылдан бастап педагогтердің, 2021 жылдан бастап медициналық және әлеуметтік қызметкерлердің жалақысын кезең-кезеңімен өсіру басталды, нәтижесінде 2023 жылға қарай олардың жалақысы 2 есеге артады.

«2022 жылдың 1 қаңтарынан бастап ең төменгі жалақы мөлшері 41%-ға, 42 500-ден 60 000 теңгеге дейін ұлғайды, бұл шамамен 1 млн 650 мың жалдамалы жұмыскердің ақшалай табысының өсуіне алып келді», – деді Ержан Біржанов.