Басты бет Қоғам Ақпаратқа қол жеткізу жөніндегі заң жобасы бойынша жұмыс тобының отырысы өтті

Ақпаратқа қол жеткізу жөніндегі заң жобасы бойынша жұмыс тобының отырысы өтті

Халық үні

Заң жобасы азаматтық сектор және сарапшылар арасында талқыланып жатыр

Фото: osvita.rayon.in.ua

«Қазақстанның кейбір заңнамалық актілерге ақпаратқа қол жеткізу және қоғамдық қатысу мәселелері бойынша өзгерістер мен толықтырулар енгізу туралы» Заң жобасын әзірлеу жөніндегі жұмыс тобының үшінші отырысы өтті, деп хабарлады Ақпарат және қоғамдық даму министрлігі.

Отырыс аясында жұмыс тобының мүшелері мына мәселелерді талқылады:

  • Қоршаған ортаны қорғау саласындағы уәкілетті органның және жергілікті атқарушы органдардың интернет-ресурстарындағы есептердің жобаларына, сондай-ақ, мемлекеттік экологиялық сараптаманың қорытындыларына (уақыт бойынша) ешқандай шектеусіз қолжетімділік жасау (қазір құжаттар 30 күнге жарияланады);
  • қоғамдық тыңдауларды отырыстар негізінде ғана емес, интернет-конференциялар түрінде де өткізу;
  • құрамында полихлордифенил бар жабдықтарды есепке алу тізілімін ашық қолжетімділікте жариялау;
  • жергілікті атқарушы органдарға суды пайдалану жөніндегі ақпаратты тұрақты түрде орналастырып тұруды міндеттеу.

Сонымен қатар мүгедектігі бар адамдардың өкілдері мемлекеттік тілде сөйлеу синтезі мен аудиодескрипцияны енгізуді ұсынды.

Айта кетейік, Қазақстан – Орхус конвенциясына және БҰҰ Мүгедектердің құқықтары туралы конвенцияға қатысушы ел.

Заң жобасы азаматтық сектор және сарапшылар қауымдастығының мүдделі өкілдерімен тығыз талқыланып жатыр.