Шешенстанның Парламенті Республика басшысы Рамзан Кадыровқа «Елдің әкесі» атағын беру туралы Заң қабылдады.

«Елдің әкесі» атағы шешен тілінде «Мехк-Да» деп аталады.

Республика басшысына «Елдің әкесі» атағын берудің мақсаты – аймақ басшысы лауазымын шешен тіліне икемдеп айту. Енді Шешен Республикасының басшысы Рамзан Кадыров – Шешен елінің әкесі, яғни «Мехк-Да» деп аталады, –  деді «Лорд» деген лақап аты бар Парламент төрағасы Магомед Даудов.

Сондай-ақ республиканың заң шығарушы органы Конституцияға «шешен елінің әкесіне», яғни «Мехк-Даға» елдің аумақтық тұтастығын қорғауға міндеттейтін талаптар енгізді.

Бұған дейін Татарстан президенті Рустам Миннихановтың лауазымы «Раис» (басшы) деп өзгертілген болатын.