Қордай шекарасынан 300 келіге жуық құнды заттарды өткізбек болғандар ұсталды, деп хабарлады Halyq Uni тілшісі.

19 қаңтарда Ұлттық қауіпсіздік комитетінің Шекара қызметі Жамбыл облысының «Қордай» автомобильдік өткізу пунктінде Қазақстанның екі азаматының ірі көлемде зергерлік бұйымдарды кіргізу әрекетінің жолын кесті.

Шекаралық тексеру барысында автокөлік салонында жалпы салмағы 275 келі зергерлік бұйымдар салынған 8 жол сөмкесі анықталды.

Зергерлік бұйымдар Қаржы министірлігі Мемлекеттік кірістер комитетінің аймақтық бөлімшелеріне одан әрі тексерістер жүргізу үшін берілді.