Астана маңында парашютпен секіру кезінде мерзімді қызметтегі сарбаз қаза тапты, деп хабарлайды Halyq Uni.

Ақпаратты Қорғаныс министрлігі растады.

2023 жылдың 18 қаңтарында Астана қаласының маңайында парашютпен жоспарлы секіру бойынша оқу-жауынгерлік тапсырмаларын орындау барысында мерзімді қызметтегі сарбаз қаза тапты, - делінген ақпаратта.

Оқиғаның себебі мен мән-жайы анықталып жатыр. Қазір тексеріс жүргізіліп жатыр.

Әскери қызметші 2022 жылдың көктемінде Қарағанды қаласынан әскер қатарына шақырылған, - деп хабарлады министрлік.

Қарулы Күштердің басшылығы мен жеке құрамы сарбаздың отбасы мен жақындарына көңіл айтты.

Қорғаныс министрлігі әскери қызметшінің отбасына көмек көрсету бойынша барлық қажетті шараны қабылдайды.