×

Қостанай облысының тұрғыны көршісі мен оның төрт жасар баласын өртеп жіберді

Әйел жараланған, бала жансақтау бөлімінде жатыр

 Халық үні 17.03.2022 | 10:53
көрнекі фото: ашық дереккөзден

Рудный қаласында 44 жастағы ер адам көршісінің пәтеріне барып, есік алдына баласын көтеріп шыққан 32 жастағы келіншекке керосин шашып, өртеп жіберген. Кішкентай бала қатты зардап шекті. Бұл туралы Қостанай облысы полиция департаментінің бастығы Ерлан Омарбеков мәлім етті.

«Қазір бүлдіршін жансақтау бөлімінде жатыр. Денесінің 40%-тен астамын күйік шалған. Дәрігерлер оның өмірі үшін күресуде. Әйелдің қолдары күйген. Ер адамның мұндай әрекетке баруына көршілер арасындағы жанжал себеп болғаны анықталды», - деді Ерлан Омарбеков.

Бұл жайлы хабарлама Рудный қаласының полиция басқармасына 16 наурызда жеткен. Аталған оқиға бойынша полиция адам өлтіруге оқталу бабы бойынша сотқа дейінгі тергеуді бастады. Күдікті қамауға алынды. Қазір тергеу амалдары жүргізілуде.

Серіктес жаңалықтары

Сараптама