Бір тәулікте 53 адамнан коронавирус инфекциясы анықталды
4 науқас жасанды тыныс алу аппаратына қосылған
Фото: who.int
Қазақстанда бір тәулікте 53 адамнан коронавирус инфекциясы анықталды, деп хабарлады Денсаулық сақтау министрлігі.
17 қаңтардағы мәлімет бойынша, 2 051 адам коронавирус инфекциясынан емделіп жатыр. Оның ішінде 193 пациент стационарда, 1 858 науқас амбулаториялық деңгейде ем қабылдап жатыр.
Коронавирусқа шалдыққандар арасында 10 адамның жағдайы ауыр, 6 пациенттің жағдайы өте ауыр деп бағаланған.
4 науқас жасанды тыныс алу аппаратына қосылған.
