×

Атырауда әйел мен жасөспірім жаппай төбелеске қатысқан (ВИДЕО)

Төбелеске қатысқандардан суық қару тәркіленді

 Динара Амантай 16.01.2023 | 14:30
Фото: видеодан скриншот

Атырауда мейрамханалардың бірінде жаппай төбелеске жеткіншек пен бір әйел қатысқан, деп хабарлады Halyq Uni тілшісі.

Полиция қызметкерлерінің мәліметінше, 15 қаңтарда сағат 05:10 шамасында Атырау қаласы Темірханов көшесінің бойындағы мейрамханада жанжал шығып, 10 адам полиция бөліміне жеткізілген. Сондай-ақ олардан суық қару тәркіленді.

Сонымен бірге, төбелеске бір кәмелетке толмаған жеткіншек пен әйелдің қатысқаны анықталды.

Тәртіп бұзушыларға қатысты ҚР ӘҚБтК-нің 434-бабы («Ұсақ бұзақылық») бойынша әкімшілік хаттамалар толтырылды.

Аталған дерекке қатысты құжаттар Атырау қаласының әкімшілік құқық бұзушылық істер жөніндегі мамандандырылған сотына жолданды.

Серіктес жаңалықтары

Сараптама