Ақмола облысында ірі көлік апаты тіркелді, деп хабарлады Telegram-дағы polisia.kz арнасы.

8 қаңтарда Астана – Петропавл автожолының 236-шақырымында 9 көлік бір-біріне соғылды.

34 жастағы ВАЗ 2109 жүргізушісі ауа райының қолайсыздығын ескермей, 64 жастағы астаналық тізгіндеген Chevrolet Cobalt және 38 жастағы Беларусь азаматы басқарған Volvo көліктеріне соғылған.

Содан кейін тағы 6 автомобиль соқтығысқан: Renault Sandero, «ГАЗель», 2 Toyota Camry, Daimler Chrysler және Toyota Prado.

Көлік апаты салдарынан «Авиценна Бурабай» компаниясына 19-49 жас аралығындағы 2 жүргізуші мен 7 жолаушы жеткізілді. Әкімшілік құқық бұзушылық туралы кодекстің 610-бабы 1-бөлігі бойынша 6 жүргізушіге әкімшілік хаттама толтырылды.

Айта кетейік, бұған дейін ІІМ жүргізушілерге ескерту жасаған еді.