×

Ақтөбеде -26 градус аязда 20-дан аса көпқабатты үй жылусыз қалды

Таңертең жылуды қосуға әрекет жасағанмен, ол жұмыс істемей қалған

 Еркеғали Болатұлы 08.01.2023 | 14:05
фото: дереккөз

Ақтөбедегі бірқатар көпқабатты үйлердің тұрғындары көшеде аяз болып тұрған кезде пәтерлерінде жылу жоқтығын айтып шағымданды. Жылумен жабдықтаушы ұйым төтенше жағдайдың себебін арматуралардың зақымдануымен түсіндірді, деп хабарлады Диапазон.

7 қаңтарда кешке аяз күшейіп, түнде сырттағы ауа температурасы -26 градусқа дейін төмендеді. Түні бойы апат болып, адамдар жұмыс істеп жатқанын айтты. Таңертең жылуды қосуға әрекет жасады. Алайда ол жұмыс істемеді. Енді олар жылу жүйесіндегі суды қайтадан төгіп тастады, - дейді тұрғындар.

Ал «Ақтөбе су-энерготоп» АҚ мәліметінше, төтенше жағдай Әбілқайыр хан даңғылы, 84 мекенжайындағы ысырмалардың зақымдалуымен байланысты болып тұр. Ол шұғыл ауыстыруды қажет етеді.

Кәсіпорынның мәліметінше, ыстық су мен жылу мына мекенжайлар бойынша шектелген:

  • Абылай хан даңғылы 64, 66, 68, 70, 70/1, 72, 74, 76, 78, 80, 82, 84;
  • М. Оспанов көшесі 52, 52/2, 54А, 54Б, 54/1, 54/2, 57;
  • Алдияров көшесі 2, 6;
  • Г. Жұбанов көшесі 50.

«Кәсіпорын мамандары жылу камерасында жұмысқа кірісті. Олар аяқталғаннан кейін ыстық су мен жылуды беру штаттық режимде қалпына келтіріледі», - делінген компания хабарламасында.

Серіктес жаңалықтары

Сараптама