Қоғамдық көліктің жүрмеуіне ауа райы себеп болған
Елордада қала маңына қатынайтын бірнеше автобустың қозғалысы уақытша тоқтатылды, деп хабарлайды Halyq Uni.
Ауа райының қолайсыздығына байланысты қала маңына қатынайтын №305, 308, 309, 310, 311, 312, 315, 316, 317, 318, 327 автобусының қозғалысы уақытша тоқтатылды, - делінген City Transportation Systems таратқан ақпаратта.
Қала маңына қатынайтын басқа автобустардың кестесінде өзгеріс жоқ.
Айта кетейік, синоптиктердің болжамына сәйкес 8 қаңтарда еліміздің солтүстік-батысында қатты қар жауады. Солтүстігінде, батысында суық фронттардың өтуіне байланысты ауа температурасы күрт төмендейді.
Республика бойынша жел күшейіп, көктайғақ, бұрқасын болады. Елдің оңтүстігі мен орталығында тұман түседі.