Оған ауа райының қолайсыздығы себеп болып отыр
Астана қаласының халықаралық әуежайында рейстер кешігіп жатыр. Әуе айлағының баспасөз қызметі әуежайда, оның ішінде ұшу-қону жолағында да қар күреліп жатқанын хабарлады.
Қазір әуежай штаттық режимде жұмыс істеп жатыр.
Дегенмен рейстердің кешігуі бар. Ұшып келетін 10 рейс, ұшып кететін 18 рейс кейінге қалдырылған. Оған астанадағы ауа райының қолайсыздығы мен ұшақтың кешігіп келуі себеп болып отыр, – деді баспасөз қызметі.
Астанада ақтүтек боран екінші күн жалғасып жатыр. Ал Алматыда қар бүгін таңертеңнен бастап қана жауа бастады.