Украина Қарулы күштері Донецк облысының Макеевка қаласында Ресейдің жүздеген жауынгерін жер жастандырды. Бұл туралы The Moscow News хабарлады.

Соққы 1 қаңтар күні жергілікті уақыт бойынша 00:01 сағатта берілді. Ол Саратов облысынан әскерге шақырылғандар казарма ретінде орналасқан бұрынғы №19 ПТУ ғимаратын сүріп тастады.

Өзін өзі жариялаған ДХР үйлестіру орталығының мәліметі бойынша, кемінде 15 адам қаза тапқан. Бірақ Украина Қарулы күштері стратегиялық басқармасының хабарлауынша, 400-ге жуық оккупант оққа ұшып, 300 басқыншы жараланып қалған. Олар Путиннің жаңа жылға арналған құттықтау сөздерін тыңдауға барған.

«Romanov Лайт» телеграм-арнасы соққы салдарынан оқ-дәрілердің де атылғанын жазды. Содан келіп, осыншалықты ірі жарылыс болған.