Қазір тергеу амалдары жүргізіліп жатыр
Маңғыстау облысында көлік тасжолға шығып кеткен екі түйеге соғылып, соның кесірінен бір адам қаза тапты.
Облыстық полиция департаментінің хабарлауынша, қайғылы оқиға 10 желтоқсанда Жетібай-Ақтау тасжолында болған.
Сағат 19:00 шамасында Ақтау қаласына қарай бара жатқан Chery Tiggo 8 Luxury көлігінің жүргізушісі екі түйені қағып кеткен. Соның кесірінен 51 жастағы әйел оқиға орнында көз жұмды. Көлікте болған тағы екі адам жақын маңдағы ауруханаға жеткізіліп, медициналық көмек көрсетілді, – делінген хабарламада.
Аталған дерек Қарақиян ауданы бойынша ЕРД ОП-на Қылмыстық кодекстің 345-бабының 3-бөлігімен («Абайсызда адам өліміне әкеп соққан жол қозғалысы ережелерін бұзу») бойынша тіркеуге алынып, қажетті сараптамалар тағайындалды.
Қазір тергеу амалдары жүргізіліп жатыр.