×

Жамбыл облысында полицейлерге шабуыл жасағандар сотталды (ВИДЕО)

Олар полиция қызметкерлеріне дене жарақатын келтіріп, қаруларын тартып алмақ болған

 Динара Амантай 07.12.2022 | 10:04
Фото: polisia.kz

Жамбыл облысының Шу ауданында полиция қызметкерлеріне қарсылық көрсетіп, шабуыл жасағандарға қатысты сот үкімі шықты. Шу аудандық сотының 2022 жылғы 6 желтоқсандағы үкімімен жергілікті 8 тұрғынға қатысты 3 жылдан бастап 8 жыл 2 айға дейінгі мерзімге бас бостандығынан айыру жазасы тағайындалды, деп хабарлады Halyq Uni тілшісі.

Еске сала кетсек, 7 мамыр түнгі сағат 01:30 шамасында Шу қаласында вокзал маңындағы алаңда полиция қызметкерлері мемлекеттік белгісі жоқ ВАЗ-2114 маркалы автокөлігін тоқтатқан. Құжаттарды көрсетуді талап еткенде жүргізуші мен көлікте болған белгісіз адам полиция қызметкерлерінің талаптарын орындаудан бас тартқан. Олар полицияға белсенді түрде қарсылық көрсетіп, шабуыл жасай бастаған.

Сонымен қатар, жақын маңдағы кафе мен алаңнан бір топ адам жиналып қоғамдық тәртіпті өрескел бұза отырып, полиция қызметкерлеріне дене жарақатын келтіріп, қаруларын тартып алмақ болған.

Аталған дерек бойынша ҚР ҚК-нің 380-бабы 3-бөлігімен сотқа дейінгі тергеу амалдары жүргізіліп, іс материалдары үкім шығару үшін сотқа жолданған болатын.

Серіктес жаңалықтары

Сараптама