Жезқазғанда мас күйінде жол апатына ұшыраған Антикор қызметкеріне қатысты тергеу жүріп жатыр.

Антикор басшысының бұйрығына сәйкес, агенттіктің Жезқазған аймағы бойынша ауданаралық Сыбайлас жемқорлыққа қарсы іс-қимыл басқармасының аға офицері Д.Т. Кудикеновтың заңсыз іс-әрекеттері фактісі бойынша қызметтік тергеу жүргізуде.

Қазір Қарағанды облысы Жаңаарқа ауданының сотымен ҚР ӘҚБтК-нің 608-бабы 3-бөлігі (мас күйінде жол-көлік оқиғасын жасау), 611-бабы 2-бөлігі (ЖКО орнын қалдыру) және 613-бабы 1-бөлігі (көлік құралын тоқтату бойынша полиция қызметкерлерінің заңды талаптарына бағынбау) бойынша Д.Т. Күдекеновке қатысты әкімшілік материалдар қарастырылуда.

2022 жылғы 7 ақпаннан бастап қазіргі уақытқа дейін Д.Т. Кудикенов «Пневмония» диагнозымен ауруханада жатыр.

Осыған байланысты, «Құқық қорғау қызметі туралы» заңның 58-бабы 4-тармағына сәйкес Д.Т. Кудикеновке қатысты қызметтік тергеу тоқтатылды. Ол жұмысқа шыққаннан кейін қызметтік тергеу қайта басталып, Д.Т. Кудикеновке қатысты тиісті шешім қабылданады.