2021 жылы әлемде 1,5 миллион адам жаңа АИТВ (ВИЧ) инфекциясын жұқтырды. Осы көлемнің 3,9 пайызы Ресейдің үлесіне тиеді. Бұл көрсеткіш бойынша Кремль билеген ел тек Африкадағы Танзания (3,6 %), Уганда (3,6 %), Замбия (2,5%) және Кения (2,3 %) мемлекеттерін ғана артқа тастап тұр. Осылайша Ресей Федерациясы жаңа АИТВ (ВИЧ) инфекциясын тарату бойынша жер-жаһандағы бес елдің қатарынан орын алып отыр. Бұл туралы The Moskow News хабарлады.

Statista мәліметі бойынша, РФ-дан ЖИТС (СПИД-тің) таралу мөлшері бойынша төрт мемлекет қана алда келеді. Олардың қатарында Оңтүстік Африка Республикасы (14 %), Мозамбик (6,5 %), Нигерия сынды (4,9 %) «қара құрлық» елдері және Үндістан (4,2 %) бар.

Қазір Ресей азаматтарының тағы 1 пайызының АИТВ (ВИЧ) жұқтырып алғандары анықталып отыр.

Роспотребнадзордың дерегі бойынша, Ресейде жастары 15-тен 49-ға дейінгілер арасынан 1,5 пайыз адам АИТВ (ВИЧ) инфекциясын жұқтырған. Бұл жағынан Ресей Еуропа мемлекеттерін 3-15 есе орайды.