×

Абай облысында алкогольді заңсыз өндірген жерасты цехы анықталды

12 канистрге құйылған 1500 литрден аса алкоголь тәркіленді

 Динара Амантай 05.12.2022 | 09:30
Фото: видеодан скриншот

Абай облысында заңсыз алкоголь өндірумен айналысқан 57 жастағы ер адам ұсталды, деп хабарлады Halyq Uni тілшісі.

ПД Ұйымдасқан қылмысқа қарсы іс-қимыл басқармасының қызметкерлері алкогольді заңсыз өткізу бойынша жерасты цехын жою жөнінде арнайы операция жүргізді. Контрафактілік алкогольді 57 жастағы Семей тұрғыны үй-жайындағы жертөлесіне жинақтап, қолмен құю цехының желісін жабдықтаған.

Полиция әртүрлі көлемдегі 12 канистрге құйылған 1500 литрден аса алкогольді тәркіледі. Оның жалпы құны 2,5 млн теңгеден асады. Заңсыз өнім үлгілері физика-химиялық сараптама жүргізуге жіберілді.

Бұл факт Абай облысы бойынша Экономикалық тергеу департаментіне іс жүргізу шешімін қабылдау үшін тіркеліп, жіберілді, - деді Абай облысы ПД ҰҚҚІҚБ бастығының орынбасары Әсет Шахантаев.

Серіктес жаңалықтары

Сараптама