Үкімет басшысының тапсырмасы бойынша премьер-министрдің орынбасары Серік Жұманғарин мен төтенше жағдайлар министрі Юрий Ильин Екібастұзға барды.

Primeminister.kz-тің хабарлауынша, энергетика вице-министрі Жандос Нұрмағанбетов те Екібастұздың жағдайымен танысып жатыр.

Үкімет мүшелерінің міндеттері - апаттың себептерін анықтап, зардап шеккен тұрғындардың проблемаларын шешу.

Қазір ЖЭО-да 6 қазандық штаттық режимде жұмыс істейді. 143 көпқабатты және 132 жеке үйге, сондай-ақ 13 әлеуметтік нысанға жылу қайта қосылды. 21 учаскенің 20-сында жөндеу жұмыстары аяқталды. Проблемалық мәселелерді анықтау мақсатында үйлерді аралап, проблеманы шешу үшін тиісті тапсырма беріліп жатыр. Қалада азаматтар үшін 14 жылыту пункті жасақталған.